Consumentas e consuments en Svizra han pajà 176 milliuns francs taxas da recicladi anticipadas per vaider, battarias u apparats electrics l’onn 2019. Per tge che questas taxas èn exactamain vegnidas duvradas, na saja betg avunda transparent – di la Controlla federala da finanzas. Ultra da quai manchian las indicaziuns quant bain ch’il recicladi funcziuneschia. L’Uffizi federal d’ambient haja be access limità a questas datas. En il parlament è pendent actualmain in project davart l’uschenumnada economica circulara, quel vegn pli probabel discutà la primavaira. Tenor la controlla da finanzas pudess quel dar scleriment en chaussa.
audio
Per tadlar: Las novitads da las 09:00
ord RTR Audio dals 09.02.2023.
laschar ir. Durada: 2 minutas 54 Secundas.
