Siglir tar il cuntegn

Header

Tidjane Thiam da la banca Credit Suisse.
Legenda: Ha scursanì sia atgna paja: il schef da la CS Tidjane Thiam. Keystone
cuntegn

Svizra 18,9 milliuns francs paja per il schef da la CS

Uschè bler ha il schef da la banca gronda Tidjane Thiam gudagnà il 2015. Per cas giuridics ha la banca disponì 1,6 milliardas francs.

Il schef da la banca gronda Credit Suisse Tidjane Thiam ha survegnì l'onn passà totalmain 18,9 milliuns francs. La paja da Tidjane Thiam ha muntà a 4,6 milliuns francs - tenor il rapport da pajaments 2015 da la CS ch'è vegnì publitgà oz.

El aveva annunzià da scursanir considerablamain l'atgna paja en congual cun ses antecessur Brady Dougan - quel aveva gudagnà 9,7 milliuns francs.

Dentant ha Thiam survegnì supplementarmain passa 14 milliuns francs da la CS per cumpensar bunificaziuns ch'el avess survegnì da sia anteriura firma «Prudential».

Reservas per cas giuridics

La banca Credit Suisse ha preschentà per la fin da l'onn 2015 reservas dad 1,6 milliardas francs per cas giuridics. Quai èn 60% dapli ch'avant in onn. Quai resorta dal rapport annual. L'onn da fatschenta passà a la Credit Suisse stuì nudar ina perdita da 2,9 milliardas francs.

La glista da proceduras da cumpromiss nua che la CS è involvida è lunga. Co la banca reparta las reservas sin ils singuls cas n'ha ella betg tradì.

En l'Italia p.ex. vegn investigà cunter la Credit Suisse pervi da la rinfatscha d'avair lavà daners.

RR novitads 08:00

sda/um

Artitgels legì il pli savens

Nach links scrollen Nach rechts scrollen