La Svizra ha impundì l'onn passà 19 milliuns francs per gidar a rumir minas en auters pajais. L'engaschi è vegnì coordinà entras ils departaments da l'exteriur e dal militar. A lunga vista saja quai ina contribuziun a favur da pasch e segirtad.
Tar ils pajais sustegnids appartegnan tranter auter las Filippinas, nua ch'il stemprà Hayan ha manà davent in depot dad armas e da muniziun. Ulteriurs projects èn vegnids sustegnids al Corn da l'Africa, en la Bosnia-Herzegovina ed en Cambodscha.