Siglir tar il cuntegn

Header

cuntegn

194 ovs per persuna Svizras e Svizzers mangian adina dapli ovs

Ils Svizzers e las Svizras han consumà l'onn passà 1,7 milliardas ovs. Quai èn 194 ovs per persuna. E la producziun d'ovs en Svizra è creschida l'onn passà per bunamain 8%. Radund dus terzs, damai sur 1,1 milliardas dals ovs, vegnan producids en Svizra, communitgescha l'Uffizi federal d'agricultura.

Cunzunt ovs da giaglinas tegnidas en il liber ed ovs da bio han puras e purs producì dapli il 2021. La raschun che ovs èn adina pli savens en ils chanasters da cumpra da las Svizras e dals Svizzers è tenor l'Uffizi d'agricultura in auter cumportament da consum: Ovs vegnian adina pli impurtants sco furniturs da protein.

En cumparaziun internaziunala saja il consum d'ovs anc adina bass. Per exempel en il Singapur vegnia mangià duas giadas uschè blers ovs.

audio
Per tadlar: curt e cumpact
aus RTR Audio vom 12.04.2022.
abspielen. Laufzeit 5 minutas 2 Sekunden.

RTR novitads 12:00

Artitgels legids il pli savens

Scrollar a sanestra Scrollar a dretga