Dapi l'entschatta da l'onn è accessibel en l’internet ina collecziun da plattafurmas haccadas e profils da nizzegiaders. Che talas infurmaziuns èn vegnidas a la glisch, mussan retschertgas da SRF Data.
En la collecziun sa chattan passa 3 milliuns adressas da mail cun finiziun svizra, inclusiv ils pleds clav. Tranter questas er radund 20'000 profils d'emploiads d'autoritads svizras, 6'000 adressas da mail d'emploiads dals chantuns e 2'500 da la Confederaziun. Radund in 5avel da las adressas pertutgadas da la confederaziun tutgan a l'armada svizra.
Il privel che hackers pudessan avair access a datas sensiblas, saja dentant pitschen, ha il departament federal da defensiun confirmà envers SRF.
RR novitads 06:00