Il WEF saja ina plattafurma impurtanta per las autoritads svizras, da quai avis è il Cussegl federal. A quel inscunter possian las autoritads far da valair las dumondas economicas e politicas envers partenaris da l'exteriur, ha il Departament federal da defensiun, protecziun da la populaziun e sport annunzià. En pli vegnia rinforzada la rolla da la Svizra sco lieu da conferenza e lieu da sedia da organisaziuns internaziunalas.
La Confederaziun ha cunquai approvà la dumonda per sustegn finanzial dal Grischun. Sper ils 2,55 milliuns francs pon mintgamai maximalmain 5'000 commembers da l'armada vegnir en acziun. L'ultim pled areguard il credit d'impegn ha il parlament.
audio
Per tadlar: Las novitads da las 12.00 uras
ord RTR Audio dals 24.02.2021.
Maletg: RTR
laschar ir. Durada: 5 minutas 52 Secundas.