Siglir tar il cuntegn

Header

servetsch da segirezza a Tavau.
Legenda: Il Grischun po quintar per ils proxims trais inscunters dal WEF cun sustegn finanzial da la Confederaziun. Keystone
cuntegn

2,55 milliuns francs Confederaziun sustegna vinavant WEF

Suenter critica ord la politica e la societad vul il Forum mundial d'economia (WEF) sa participar pli fitg als custs per las mesiras da segirezza. Uschia sa sminuescha la cumpart da la Confederaziun per ils proxims trais inscunters annuals da 3,7 sin 2,55 milliuns francs.

Il WEF saja ina plattafurma impurtanta per las autoritads svizras, da quai avis è il Cussegl federal. A quel inscunter possian las autoritads far da valair las dumondas economicas e politicas envers partenaris da l'exteriur, ha il Departament federal da defensiun, protecziun da la populaziun e sport annunzià. En pli vegnia rinforzada la rolla da la Svizra sco lieu da conferenza e lieu da sedia da organisaziuns internaziunalas.

La Confederaziun ha cunquai approvà la dumonda per sustegn finanzial dal Grischun. Sper ils 2,55 milliuns francs pon mintgamai maximalmain 5'000 commembers da l'armada vegnir en acziun. L'ultim pled areguard il credit d'impegn ha il parlament.

RTR novitads 12:00

Artitgels legids il pli savens

Scrollar a sanestra Scrollar a dretga