Siglir tar il cuntegn

Header

cuntegn

Svizra 2 alpinists sa disgrazian al Piz Adula

A l'accident mortal èn 2 alpinists svizzers crudads en la mort al cunfin tranter il Tessin ed il Grischun.

Dus alpinists dal Mendrisiotto en la vegliadetgna da 56 e 47 onns èn morts sonda avantmezdi tar l'accident, communitgescha la polizia tessinaisa. En la regiun dal Giuf d’Adula sajan ils umens crudads ord motivs nunenconuschents radund 60 meters en ina sfessa dal glatscher. Quai tenor l'emprima reconstrucziun da la polizia chantunala dal Tessin.

Pervia da la schlett’aura ed il lieu malamain cuntanschibel sajan las mesiras da salvament stadas cumplitgadas. La REGA e Heli Bernina sajan stadas en acziun. Per il sustegn psicologic è era il Care Team stà alarmà.

RR novitads 16:00

Artitgels legids il pli savens