Siglir tar il cuntegn

Header

Bab che dat da mangiar a pop..
Legenda: Keystone
cuntegn

2 emnas Congedi da paternitad va en vigur il 1. da schaner

Babs da pops novnaschids pon retrair il congedi da paternitad da duas emnas a partir da l’onn che vegn. Il Cussegl federal ha fixà il termin per la midada en l’ordinaziun. La fin da settember aveva il pievel svizzer acceptà cleramain il congedi da paternitad.

Il Cussegl federal fa plinavant allusiun ch’er babs senza lavur han il dretg sin l’indemnisaziun da paternitad. Quella po vegnir dumandada uschè spert che las vacanzas èn vegnidas retratgas. Ellas vegnan lura pajadas ora.

Custs da 230 milliuns francs l'onn

Finanzià vegn il congedi da paternitad sco l’indemnisaziun per mammas er – sur l’urden da cumpensaziun da gudogn. Perquai vegn la contribuziun augmentada da 0,45 sin 0,5%. L’introducziun dal congedi da paternitad chaschuna l’auter onn custs da radund 230 milliuns francs.

Ord l'archiv:

video
Congedi da paternitad en Europa
Or da Nouvo RTR dals 28.05.2019.
laschar ir

RTR novitads 15:00

Artitgels legids il pli savens

Scrollar a sanestra Scrollar a dretga