Siglir tar il cuntegn

Header

cuntegn

2. decisiun: cunfins & sport Far sport en gruppas pitschnas è pussaivel ils 11 da matg

Era en la segund infurmaziun vai per schluccadas: Als cunfins vegnan las restricziuns schluccadas, per il sport datti ina perspectiva ed il settember spetgan gist tschintg votaziuns federalas.

Il pli impurtant dal sport

  • A partir dals 11 da matg èsi pussaivel da far trenaments da sport – quai dentant en maximalmain gruppas da 5 persunas, senza contact corporal e cun respectar las reglas da distanza e d’igiena.
  • En il sport professiunal èn pussaivel trenaments cun dapli persunas – necessari è in concept da protecziun.
  • Enfin ils 8 da zercladur na datti nagins gieus/concurrenzas – silsuenter bain. Il Cussegl federal decida la fin da matg en chaussa.
  • Era centers da fitness ubain da yoga dastgan avrir ils 11 da matg.

Mesiras als cunfins:

  • Las mesiras als cunfins vegnan schluccadas a partir dals 11 da matg – las controllas restan dentant.
  • Uschia duain reuniuns da famiglias ubain viadis professiunals puspè esser pussaivels.

Sper quai ha il Cussegl federal anc decidì las suandantas schluccadas per ils 11 da matg:

Grafica cun schluccadas a partir dals 11-05
Legenda: RTR

Il ticker è a fin

  • 17:15

    Adia

    La conferenza da medias è a fin. Gievgia a las 09:00 è annunziada in'ulteirura conferenza dal Cussegl federal. Lura dat pled e fatg Ignazio Cassis, il minister da l'exteriur. Tema èn daners svizzers per acziuns internaziunalas.

  • 17:05

    Turists en Svizra

    I dettia nagina mobilitad unilaterala en Svizra, uschia ha delcerà Keller-Sutter sche turists da l'exteriur dastgan vegnir en Svizra. Ins stoppia mirar cun ils pajais da cunfin co proceder. En tutta cas vengir la Svizra betg «averta» per il turissem uschè ditg ch'i valan restricziuns d'entrada en auters pajais.

  • 16:50

    Tgi dastga propi entrar en Svizra?

    In schurnalist vul savair co las autoritads decidan al cunfin. Vegnir en Svizra dastgian vinavant be persunas ch'èn qua per lavurar u daquellas ch'èn maridadas u en in partenadi registrà, uschia ha prezisà Mario Gattiker dal secretariat per migraziun. Per p. ex. tattas e tats che vivan a l'exteriur saja quai anc adina betg pussaivel da far visita als parents en Svizra.

    video
    Keller-Sutter: «Vinavant nagins viadis privats»
    Or da News-Clip dals 29.04.2020.
    laschar ir. Durada: 48 Secundas.
  • 16:46

    Runda da dumondas

    Schurnalistas e schurnalists tschentan dumondas. Karin Keller-Sutter e Viola Amherd preziseschan ils pass da schluccar las mesiras.

  • 16:45

    Avrir posts da cunfin

    La Confederaziun quinta da pudair avrir tscherts posts da cunfin ch'èn actualmain serrads, quai a partir da proxim glindesdi. Uschia ha declerà il directur da l'administraziun da duana Christian Bock. Er en il chantun Tessin vegni avert posts da cunfin per il traffic da lavur.

  • 16:34

    Votaziuns federalas dal settember

    La populaziun svizra decida ils 27 da settember davart tschintg fatschentas a l'urna. Uschia vegn er votà davart las fatschentas che fissan stadas en votaziun il matg passà.

    Votaziuns dals 27 da settember 2020:

    • Iniziativa da limitaziun da la PPS
    • Lescha da chatscha
    • Deducziuns per la tgira d’uffants
    • Cuntraproposta al congedi da paternitad
    • Cumpra da novs aviuns da cumbat
    video
    Thurnherr: «Tantas votaziuns en ina giada è raschunaivel»
    Or da News-Clip dals 29.04.2020.
    laschar ir. Durada: 51 Secundas.
  • 16:31

    Sport professiunal

    Er sport d'elita e sport en las ligas da profi è pussaivel a partir dals 11 da matg. Quai dentant senza concurrenzas, quai vala enfin ils 8 da zercladur. A partir da lura duessan er concurrenzas esser pussaivlas, quai dentant senza aspectaturs.

    Tar il sport d'elita dettia quai betg tantas restricziuns sco tar il sport popular. Quai pervia che l'accumpagnament medicinal saja meglier, uschia ha declerà Viola Amherd.

  • 16:30

    Centers da fitness d'astgan avrir

    Studios da fitness, yoga etc. dastgan avrir ils 11 da matg, quai dentant be cun concepts da segirtad che resguardan las mesiras da distanza ed igiena.

    Plinavant duain uniuns da sport vegnir indemnisadas la fin da l'onn per perditas.

  • 16:28

    Sport popular cun restricziuns

    A partir dals 11 da matg èsi puspè pussaivel da far sport, dentant cun restricziuns. Sport popular è be pussaivel en gruppas da maximalmain tschintg persunas e quai senza contact da corp. Plinavant èn concurrenzas scumandadas.

    video
    Uffizi federal per sport di «gea» a nudar e «na» a star a sulegl
    Or da News-Clip dals 29.04.2020.
    laschar ir. Durada: 46 Secundas.
  • 16:26

    Bandunar la Svizra

    Cun schluccar las restricziuns al cunfin èsi teoreticamain er pussaivel da bandunar la Svizra. La dumonda saja dentant sche entrar en l'auter pajais saja insumma pussaivel. Il medem valia er per vacanzas da stad. Karin Keller-Sutter metta perquai en dumonda sche vacanzas vacanzas a l'exteriur. Ella recumonda perquai da planisar vacanzas en Svizra.

  • 16:22

    Schluccar las mesiras al cunfin

    A partir dals 11 da matg duain las autoritas puspè examinar dumodas d'entrar en Svizra. Quai valia per dumondas da persunas ord stadis da l'UE ed EFTA ch'han fatg la dumonda avant las mesiras da corona. Uschia ha declerà Karin Keller-Sutter, ministra da giustia. Plinavant duain famiglias separadas puspè pudair sa vesair. Uschia possia per exempel in um da l'exteriur ch'è maridà cun ina dunna Svizra, puspè visitar sia dunna. Per viadis privats vali dentant adina las mesiras severas.

  • 16:17

    Pled e fatg dattan:

    • Karin Keller-Sutter, ministra da giustia
    • Viola Amherd, ministra da defensiun e sport
    • Walter Thurnherr, chancelier federal
  • 16:14

    Prezisiuns da las proximas schluccadas

    Avant curt ha il Cussegl federal gia preschentà ils proxims pass da schluccadas.

  • 16:07

    Bainvegni

    Il Cussegl federal infurmescha en ina segunda conferenza da medias co la Svizra turna enavos en la normalitad. La conferenza cumenza a las 16:15. RTR rapporta da las decisiuns.

RTR novitads 17:00

Artitgels legids il pli savens