2 onns suenter il gea – ed uss?

Ils 9 da favrer è il gea a l’iniziativa d'immigraziun exactamain dus onns vegl. Cun 50,3% avevan ils Svizzers e las Svizras acceptà l’iniziativa da la PPS. Dapi lura n’è quasi betg in di passà, senza ch’ella è stada in tema.

Maisa en chanzlia cun bustas e cedals da votaziun. Bild in Lightbox öffnen.

Legenda da maletgs: Ils 9 da favrer 2014 - cun 50,3% avevan ils Svizzers e las Svizras acceptà l’iniziativa da la PPS. Keystone

L’iniziativa d’immigraziun da massa na metta be en privel ils contracts bilaterals cun l’UE, ma ella fa era fieu sut il tgil al Cussegl federal.

Il text d’iniziativa pretenda ch’ella vegnia realisada entaifer trais onns – sche quai n’è betg pussibel, lura duess l’iniziativa vegnir messa en vigur per ordinaziun.

Sursiglir cuntegn supplementar

Il cuntegn da l'iniziativa

L’iniziativa d’immigraziun prevesa che la Svizra...

  • reglescha autonomamain l’immigraziun cun cifras maximalas e contingents per onn
  • resguarda latiers ils interess da l’economia generala
  • dat prioritad als indigens sin il martgà da lavur

Il Cussegl federal stat pia sut squitsch. Dus onns èn passads - in onn resta al Cussegl federal avant che la guillotina sa serra.

La clausula da protecziun

Il stan actual datescha dal december da l’onn passà: lura aveva infurmà il Cussegl federal, che l’iniziativa d’immigraziun da massa duai vegnir realisada a maun d’ina clausula da protecziun.

Quai vul dir: en l'avegnir duess vegnir definida ina cifra maximala da persunas che dastgan immigrar mintg'onn en Svizra.

Sche questa cifra maximala vegniss cuntanschida, lura vegnissan introducids contingents per l’onn che suonda.

Johann Schneider Amman e Jean-Claude Juncker tar ina conferenza da medias in schaner a Brüssel. Avrir maletg en lightbox.

Legenda da maletgs: La Svizra e l'UE ina sper l'autra - tar ina conferenza da medias in schaner a Brüssel il cas, tar la clausula da protecziun damain. (Da san. Johann Schne... Keystone

Il stan dals discurs cun l’UE

Il Cussegl federal ha communitgà cleramain il december passà: Sche l’UE n’è betg d'accord cun la clausula da protecziun, lura tira la Svizra tras quest plan suletta, senza l'ok da l’UE.

I dat bain discurs consultativs cun Brüssel – che l’UE accepta però ina tala clausula da protecziun è pauc probabel.

Il pretsch ch'i fiss da pajar per quest plan B pudess esser, che l’UE blochescha las cunvegnas bilateralas cun la Svizra.

Il proxim mars preschenta il Cussegl federal il project da la lescha.