Siglir tar il cuntegn
Inhalt

Svizra 2 projects grischuns nominads per il Prix Montagne

L'Hotel Piz Linard a Lavin e WarmesBett Ilanz/Glion èn dus projects grischuns ch’èn vegnids nominads per il Prix Montagne 2016.

Rendida dal sulegl davos la muntognas.
Legenda: Per il Prix Montagne 2016 èn vegnids nominads en tut 6 projects. Keystone

Tenor l'agid svizzer per la muntogna saja l'Hotel Piz Linard vegnì nominà per sias chombras individualas e perquai ch'el integreschia producents locals. Cun la plattafurma online WarmesBett na vegnia betg be purschì da prender a fit abitaziuns secundaras, mabain tut il servetsch dal cudeschar fin il nettegiar.

Tut en tut ha la giuria dal Prix Montagne cun il president Bernhard Russi, anteriur skiunz, nominà sis projects ord la regiun muntagnarda. Sper ils dus projects grischuns cumbattan er Bernatone Alphornbau da Habkern BE, la Fondazione Alpina per le scienze della vita ad Olivone TI, Gomina da Niederwald VS e il partenadi tranter las pendicularas cun la vischnanca da Naters VS. Tut quests projects mussan ch’interpresas en las muntognas ston esser innovativas e flexiblas.

Il Prix Montagne è dotà cun 40’000 francs e vegn surdà ils 31 d'avust a Berna.

RR novitads 11:00