Siglir tar il cuntegn

Header

cuntegn

20'000 dis Armada ha prestà damain dis da servetsch

L'armada svizra ha prestà damain dis da servertsch l'onn passà. Cun 5,4 milliuns dis èn quai stads radund 20'000 dis damain ch'anc il 2018, communitgescha l'Uffizi federal da defensiun.

Purtret d'in schuldà a la lavur.
Legenda: Keystone

La raschun ch'i ha dà damain dis da servetsch è tranter auter ina midada tar las acziuns da segirezza al Forum mundial d'economia WEF a Tavau. Uschia ha l'armada prestà là l'onn passà radund 4'500 dis pli pauc ch'il 2018. Pli paucs dis da servetsch hai era dà per il servetsch da promoziun da la pasch Swisscoy.

Vitiers vegn che l'armada n'è l'onn passà er betg stada en acziun pervia da catastrofas. L'onn avant aveva ella anc prestà bun 100 dis d'agid militar. Ils custs totals per ils dis da servetsch da las truppas muntan a radund 178 milliuns francs. Quai èn 2,9 milliuns damain che l'onn avant.

Ord l'archiv:

Il WEF 2020 a Tavau.

Video
L'influenza dal conflict tranter l'Iran e l'USA sin la segirezza al WEF
Or da Telesguard dals 07.01.2020.
laschar ir

RTR novitads 12:00

Dapli da Svizraavrir la Landingpage

Nach links scrollen Nach rechts scrollen