Svizra - 20 milliuns francs per gidar da segirar ils cunfins da l’UE
La Svizra duai pajar daners en in fond per segirar ils cunfins externs da l'Uniun Europeica. Il Cussegl federal propona ina summa da 20 milliuns francs per onn. I va per in fond per la segirtad interna en il rom da Schengen.
Or da quest pool duain quests pajais survegnir daners, che han gronds custs per segirar il cunfins externs. Per exempel perquai ch'els han lungs cunfins u plazzas aviaticas internaziunalas impurtantas. Per metter en vigur la contribuziun dovri l'approvaziun dal parlament federal.
