20 minutas senz'electricitad

Il provediment d'electricitad en Svizra ha era l'onn passà funcziunà segir. En media n'aveva mintga client per 19 minutas nagina electricitad.

Ina pitga electrica in il Pass dal Gotthard. Bild in Lightbox öffnen.

Legenda da maletgs: L'analisa dal provediment electric en Svizra sa basa sin indicaziuns da 3,3 milliuns clients. Keystone

Era inclus en il quint èn interrupziuns planisadas. Quellas muntan a 10 minutas. Las interrupziuns betg planisadas muntan a 8,6 minutas per client. Tenor l'Associaziun svizra da las interpresas d'electricitad saja quai ina minuta damain che l'onn 2013.

Numer 1 en l’Europa

La qualitad dal provediment d'electricitad svizzer tutgia uschia tranter las meglras da l'Europa. Il provediment d’electricitad saja indispensabel per l’economia svizra, scriva l’associaziun. Plinavant possian vegnir spargnads custs che resultassan da pannas.

RR novitads 18:00