L'orcan Lothar è ì cun tetgs, ha sragischà plantas, stratg enturn pitgas d'electricitad ed ha derschì cranas...
Igl è Son Steffan da l'onn 1999, gia la damaun buffa il vent, dentant durant il di vegn quel adina pli e pli ferm – en la Bassa vegn mesirà vents d'enfin 150 kilometers per ura, sin il Säntis furia el schizunt cun 230 kilometers per ura. 12,7 milliuns meters cubic guaud ha Lothar destruì, ils donns vegnan stimads sin 1,35 milliardas francs. Dentant Lothar n'ha betg be chaschunà donns da material, 13 persunas han pers lur vita pervi da l'orcan.
Il Grischun ha gì cletg
Il pli ferm ha Lothar tutgà ils chantuns Berna, Friburg, Lucerna e la Sutsilvania. Il Grischun è cun cletg mitschà cun in egl blau. Reparar ils donns vid bajetgs e guaud ha cuzzà emnas – er gruppas forestalas dal Grischun èn idas en la Bassa per sa gidar.
In effect positiv che Lothar ha gì a lunga vista è ch'ins ha pudì plantar pli spess il guaud ch'è vegnì destruì. Uschia èn ils guauds oz perquai pli stabil e resistent.
RR actualitad 07:00