Siglir tar il cuntegn

Header

cuntegn

2021 L'Agid Svizzer per la Muntogna ha sustegnì 833 projects

L’onn passà ha l'Agid Svizzer per la muntogna sustegnì 833 projects, in quart dapli che l’onn avant, sco la fundaziun communitgescha. L’agid per la muntogna declera quel augment uschia, ch’i saja stà per interpresas pitschnas pli simpel da dumandar per sustegn. En l’entira Svizra ha l’Agid per la muntogna investì 29,3 milliuns francs. 3 milliuns e mez èn ids a total 164 projects en il Grischun. La fundaziun vegn finanziada sulettamain entras donaziuns, 2021 hani survegnì radund 29,8 milliuns.

Sustegnì dapli projects

Bleras interpresas pitschnas eran l'onn 2021 tras corona en ina situaziun difficila. La malsegirezza era gronda. Perquai haja l’Agid per la muntogna purschì in sustegn senza grondas cumplicaziuns. Els hajan era surpiglià ina part dals custs da cussegliaziun e pudì sustegnair 218 interpresas, da sclerir la situaziun finanziala. Quai di Kurt Zgraggen, mainafatschenta da l'Agid Svizzer per la muntogna.

Il 2020 aveva la fundaziun sustegnì pli paucs projects, 671, dentant cun dapli daners, 33,6 milliuns francs. La reducziun da la summa totala saja stada pervi da la malsegirtad economica. Uschia na hajan bleras interpresas, spezialmain en il turissem, betg fatg investiziuns, ed uschia era betg dumandà agid da la fundaziun.

RTR novitads 12:00

Artitgels legids il pli savens

Scrollar a sanestra Scrollar a dretga