Siglir tar il cuntegn

Header

cuntegn

2030 Parlament da sport dat glisch verda per gieus olimpics en Svizra

Ils plans da Swiss Olimpic da s'annunziar per la realisaziun dals gieus d'enviern 2030 u eventualmain 2034 han prendì in proxim obstachel. Il parlament da sport che consista dals delegads da las federaziuns da sport è s'exprimì venderdi unanimamain per ina candidatura a la radunanza annuala ad Ittigen. Il mument stattan duas ulteriuras candidaturas en il spazi: La Svezia e la Frantscha candideschan per ina realisaziun dals gieus en set onns.

audio
Glisch verda per Olympia 2030
ord Actualitad dals 24.11.2023. Maletg: Keystone
laschar ir. Durada: 2 minutas 36 Secundas.

Attribuziun succeda gia la proxima stad

Il temp per l'ulteriura concretisaziun ed elavuraziun dal project da l'olimpiada svizra è stgars. L'IOC prenda la surdada dubla per l'olimpiada 2030 e 2034 durant sia sessiun curt avant ils gieus da stad 2024 a Paris che cumenzan l'avust.

«La Svizra è ina democrazia vivida, e nus stuain furnir, sa basond sin noss concept, anc bleras respostas concretas, sche nus vulain quintar vinavant cun in sustegn positiv en la populaziun. Tar la tematica da la segirezza datti anc in basegn da scleriment tranter la Confederaziun ed ils chantuns. Nus essan adina stads conscients ch’il project è da temp en temp fitg ambizius», di il president da Swiss-Ski Urs Lehmann enavant.

video
Lehmann: «La balla è uss tar l'IOC»
Or da Sport-Clip dals 24.11.2023.
laschar ir. Durada: 3 minutas 31 Secundas.

Per la candidatura svizra pledia la durabladad dal concept cun l’infrastructura da sport d’enviern che saja gia avant maun fitg vasta. La Svizra è stada fin uss duas giadas ospitanta da gieus olimpics d’enviern: 1928 e 1948 mintgamai cun San Murezzan.

RTR novitads 18:00

Artitgels legids il pli savens