Siglir tar il cuntegn

Svizra 23'000 uras en colonna

L'onn passà ha il traffic stagnà sin las vias naziunalas svizras durant 23'000 uras. La media da custs ad onn (dal 2010-2014) è tar radund 1,6 milliardas francs.

Colonna d'autos sin l'autostrada A2 tar Piotta.
Legenda: Colonnas custan mintg'onn radund 1,6 milliardas francs. Keystone

Per l'ina dovri carburant supplementar sch'il traffic na cula betg, lura datti custs pervi da la perdita da temp ed a la fin dals quints datti er custs pervi da donns da l'ambient e pervi da consequenzas entras accidents. Quai communitgescha la Confederaziun. L'onn 1995 eran ils custs anc tar 1,1 milliarda francs.

Ils custs da colonnas chaschunadas entras il traffic da camiuns pesants eran l'onn 2010 tar 378 milliuns francs. L'onn 2014 eran quests custs s'augmentads sin 421 milliuns francs.

RR novitads 14:00