Siglir tar il cuntegn

Svizra 244 milliuns gudogn per la CS

La banca gronda Credit Suisse ha preschentà las cifras dal terz quartal dal 2017.

Logo da banca CS.
Legenda: CS ha fatg in gudogn il terz quartal da quest onn. Keystone
  • La Credit Suisse terminescha il terz quartal cun in gudogn da 244 milliuns francs.
  • Avant in onn muntava il gudogn anc a 41 milliuns francs.
  • Las mesiras da spargn cuntinueschan.

Uschia saja la Credit Suisse puspè sin buna via. Quai ha communitgà il schef da la banca, Tidjane Thiam. Las mesiras da spargn sa cumprovian. Fin la fin da l'onn veglia la CS sbassar ils custs per 18,5 milliardas francs.

Cunzunt legraivel saja sa sviluppà la fatschenta cun clients privats bainstants en l'Asia. Curt avant la preschentaziun da las cifras dal terz quartal dal 2017 aveva l'investider Rudolf Bohli pretendì da curreger la strategia da la banca a moda radicala. Il manager da Hedge-Fund Bohli vuleva divider la gruppa da la CS en trais parts.

Grazia a quest resultat positiv pudess il CEO Tidjane Thiam sa sentì rinforzà en sia strategia.

RR novitads 09:00