Siglir tar il cuntegn

Svizra 250 cas d'abus sexuals en la baselgia catolica

Avant set onns ha la Conferenza dals uvestgs svizra instradà in post da consultaziun per victimas d'abus sexuals en tut las diocesas. En quest temp èn vegnidas inoltradas 250 annunzias. Ils ultims trais onns èn quai en media stads 2 cas per mais.

Ina crusch davant la glina.
Legenda: 250 abus sexuals èm fin uss vegnids annunziads. Keystone

Radund 250 cas d’abus sexuals èn vegnids annunziads fin uss tar la Conferenza dals uvestgs svizzers. Quai rapportan las duas gasettas «SonntagsZeitung» e «Le Matin Dimanche». Ils cas sajan capitads davent dal 1950. Pertutgads sajan passa 140 uffants u giuvenils, sco er bunamain 90 creschids. 10% dals cas sajan pir capitads l’ultim temp. Tenor la conferenza sajan tar tut quests cas be creschids pertutgads – e betg uffants.

Per part examineschia la baselgia ils cas mo intern, senza infurmar la giustia. Quai ord respect vers las unfrendas che na veglian betg purtar plant. Quest agir vegn dentant crititgà da las autoritads da persecuziun penala.
RR novitads 06:00