Dapi l'onn 2000 sajan vegnids annunziads durant il medem temp mintgamai tranter 52 e 356 cas, scriva l'Uffizi federal da sanadad publica. Ils pli blers cas haja dà l'onn 2018, ils segund blers il 2017. Vinavant constatescha l'uffizi ch'i dat da mais tar mais ina gronda fluctuaziun.
Pervi da morsas da zeccas sajan 18'000 persunas idas tar il medi. Quest dumber correspundia a la media da plirs onns, scriva l'Uffizi federal da sanadad publica. 9'300 cas acuts da borreliosa sajan vegnids annunziads.
Ord l'archiv
Tschertas zeccas èn infectadas cun ina bacteria che chaschuna borreliosa, autras cun in virus che chaschuna la malsogna FSME, in'inflammaziun dal tscharvè. Encunter il virus datti ina vaccinaziun. Dapi il 2019 cusseglia l'Uffizi federal da sanadad publica quella vaccinaziun quasi en l'entira Svizra – er en il Grischun.
RR novitads 15:00