Siglir tar il cuntegn
Inhalt

Svizra 27% da la populaziun svizra fima

Quai èn pli paucs che l'onn 1992, dentant tuttina blers sco il 2007. Quatter da tschintg persunas baivan alcohol, mintga dieschavla persuna mintgadi. Quai èn intgins dals resultats da la sisavla enquista da sanadad svizra che l'Uffizi federal da statistica ha publitgà.

en ina bar, in maun cun ina cigaretta, dasper in tschendrer
Legenda: Ils ultims 11 onns è il dumber da persunas che fiman stada stabil en Svizra. Keystone

L'enquista mussa co la sanadad ed il sa cuntegnair sanadaivel èn sa midads ils ultims 25 onns. 42% da la populaziun svizra ha surpaisa u schizunt adipositas (Fettleibigkeit). Quai èn tuttina blers sco il 2012, cumpareglià cun il 1992 è la cumpart da las persunas cun adipositas dentant s'augmentada da 5% sin 11%.

85% sa sentan sauns

Tenor l'uffizi federal saja en moda in sa cuntegnair sanadaivel sco furma da viver. Il dumber da las persunas ch'èn corporalmain activas s'augmenta dapi il 2002. Perquai inditgeschan er 85% da las persunas dumandadas ch'ellas sa sentan saunas.

Dus terzs da la populaziun svizra fan stim da sa nutrir a moda sanadaivla ed il dumber da dunnas che mangian regularmain charn sa reducescha. Il dumber da persunas che na mangian nagina charn è creschì ils ultims 25 onns da 2 sin 6%.

RR novitads 11:00