Siglir tar il cuntegn
Inhalt

Svizra 280 repatriaziuns tras la REGA

La REGA ha repatrià durant la stad radund 280 pazients ord l’exteriur. Tar ils pazients sa tractia da persunas ch’èn vegnidas transportadas ord l’exteriur en Svizra per pudair tractar vinavant quellas – uschia la REGA.

Jet d’ambulanza da la REGA.
Legenda: Jet d’ambulanza da la REGA. MAD

210 persunas sajan vegnidas sguladas enavos en patria cun ils trais jets d’ambulanza da la REGA – il rest saja vegnì accumpagnà da persunal da la REGA via sgols regulars. Ils pli blers engaschaments ha la REGA gì en l’Italia ed en Spagna, sco l'organisaziun scriva.

Il pli savens saja la REGA stada en acziun pervia da malsognas, accidents da traffic e sport.

RR novitads 14:00