Stadler Rail, cun sedia a Bussnang en la Turgovia, è sa mess atras cunter la concurrenza franzosa Alstom ed il concern tudestg Siemens. Er els eran s'annunziads per l'incumbensa. La SBB cumpra ensemen cun Thurbo en la Svizra orientala e Regionalps en il Vallais 286 trens per il traffic regiunal. Quels duain tranter auter remplazzar trens da la S-Bahn che vegnan eliminads. Ils emprims trens duain vegnir furnids il december 2025.
In signal impurtant per il traffic regiunal
L'investiziun da var 2 milliardas francs saja in signal impurtant per il traffic regiunal, ha ditg il schef da las Viafiers federalas Vincent Ducrot a la conferenza da medias.
Stadler Rail dovra bunas novas
Il constructur Stadler Rail po sa legrar da las novitads. Il settember era vegnids enconuschent che l'interpresa ha pers pervia dad in sbagl formal in'incumbensa da radund 3 milliardas francs en l'Austria.
Ord l'archiv:
Er il tren Capricorn da la Viafier retica è vegnì construì da Stadler Rail.
