Davent dal prim da december vegnan 288 medicaments originals pli favuraivels en Svizra. L’uffizi federal da sanadad publica BAG reducescha il pretsch da quels medicaments en media per bunamain 20%. Cun quellas mesiras quinta l'uffizi cun respargns da radund 100 milliuns francs ad onn.
Tar la mesadad dals passa 500 medicaments originals controllads saja ina reducziun dal pretsch cunvegnenta, communitgescha il BAG. Ils ulteriurs pretschs sajan en cumparaziun cun pajais da referenza raziunals. Ultra da quai ha il BAG er controllà ils pretschs da generica e biosimilars . Per passa 130 da quels medicaments datti medemamain ina reducziun dal pretsch.
Spargnà dapli che stimà
Definitivamain serrada giu è l'examinaziun da l'onn 2017. Cun las reducziuns da pretschs èn vegnids fatgs respargns da 225 milliuns francs – oriundamain era vegnì stimà ch'ins possia spargnar 190 milliuns francs.
RR novitads 12:00