Siglir tar il cuntegn

Header

cuntegn

Svizra «2x Nadal»: Repartì bunamain 60'000 pachets

Tar l'acziun èn en l'entira Svizra vegnids repartids passa 10'000 pachets dapli a persunas basegnusas che l'onn avant.

En il rom da l'acziun «2x Nadal» èn vegnids regalads 58'399 pachets e 1'888 pachets online quest onn. Ils pachets vegnan furnids la fin da schaner a la Crusch Cotschna. Quai communitgeschan ils organisaturs da l'acziun. La Crusch Cotschna reparta ils pachets silsuenter directamain u sur instituziuns socialas a persunas basegnusas.

Sustegn per projects d'agid en l'Europa da l'Ost

Cun ils pachets online ch'èn vegnids cumprads vegnan divers projects da succurs d'enviern en la Bosnia-Erzegovina, il Kirghistan e la Moldavia. Là survegnan las persunas basegnusas victualias ed ulteriurs artitgels dal basegn fundamental al lieu.

Purtadras da l'acziun «2x Nadal» èn la SRG/SSR, la Posta Svizra, Coop e la Crusch Cotschna Svizra.

RR novitads 09:00

Artitgels legids il pli savens