Questa notg ha la terra stremblì en il Vallais. Quai ha communitgà il Servetsch seismologic svizzer. La fermezza dal terratrembel saja stada 3,2 sin la scala da Richter. L'epicenter saja puspè stà datiers dal Sanetsch-Pass en il nord da la chapitala Sion. Donns n'haja dà nagins.
Nagut da spezial
Ch'igl ha dà en il Vallais plirs terratrembels durant paucas uras na saja nagut da spezial. Quai ha ier ditg in seismolog dal Servetsch seismologic svizzer envers l'agentura da novitads SDA.
L’onn current haja dà radund 1’200 terratrembels en Svizra. Dentant sentia la populaziun da quai be enturn 10 fin 20. Il chantun Vallais saja il chantun cun il pli grond ristg ch'i dat in terratrembel, gist avant ils chantuns Basilea e Grischun.
5avel terratrembel entaifer dus dis
Schon en la notg sin mardi ha en il Vallais ha stremblì la terra quatter giadas. Ils emprims dus terratrembels, ch'èn capitads avant las 05:00, hajan gì mintgamai ina fermezza da 3,3 sin la scala da Richter. L’epicenter saja stà datiers dal Sanetsch-Pass en il nord da Sion, la citad principala dal chantun. Dus ulteriurs giadas ha la terra stremblì enturn las 07:00. Quels èn dentant stads pli flaivels ch'ils emprims dus. Indicaziuns uffizialas davart donns nadatti betg.
RR novitads 06:00
