Decretà il cumond d’arrest han las autoritads dals Stadis Unids. La giustia renfatscha als arrestads tranter auter corrupziun e lavada da daners suspectus e pretendan ch’els vegnian extradids. Actualmain èn ils accusads en libertad. Quai cunter cauziun. La Credit Suisse ha annunzià da lavurar ensemen cun las autoritads.
Tenor l'acta d'accusaziun vai per credits totals da radund 2 milliardas dollars. Cun ils daners avessan projects da svilup duì vegnir finanziads. Concret sajan radund 200 milliuns dollars da quels vegnids defraudads. En quest connex è l’anteriur minister da finanzas dal Mosambic vegnì arrestà. El duai avair survegnì 7 milliuns dollars.
RR novitads 06:00