Siglir tar il cuntegn

Header

cuntegn

3% dapli Foss tranter citad e champagna è s'augmentà

Il foss tranter citad e champagna resta grond en la percepziun da la populaziun svizra. En la retschertga da l’institut Sotomo han dus terzs da las radund 3'000 persunas interrogadas constatà in grond foss tranter citad e champagna, 3% dapli ch'anc en ina retschertga l'onn 2021.

S’augmentada è cunzunt la part da las persunas ch'han il sentiment ch'i dettia in grond foss, ma ch'èn era persvadì che la Svizra supporti quel senz’auter. Lur part è creschida da 40 sin 46%. Bain in tschintgavel da las persunas dumandadas fan dentant quitads ed èn da l'opiniun ch’il foss tranter citads e campagna engrevgeschia la convivenza.

Creschida è era la cumpart da la populaziun ch'è da l'opiniun che las regiuns ruralas hajan dapli paisa en la politica federala che las citads. Quai n'haja dentant betg exnum da far cun la nova repartiziun dals sezs en il Cussegl federal, scrivan ils auturs da la retschertga. Malgrà che las grondas aglomeraziuns hajan nagin represchentant direct pli en la regenza, èn dus terzs dals dumandads da l'opiniun, ch'ils interess da las citads vegnian resguardads avunda.

audio
Per tadlar: curt e cumpact
ord RTR Audio dals 30.03.2023.
laschar ir. Durada: 1 minuta 18 Secundas.

RTR novitads 12:00

Artitgels legids il pli savens