Siglir tar il cuntegn

Header

cuntegn

3 giadas dapli Derasaziun da hepatitis E en Svizra

En Svizra èsi vegnì constatà ina accumulaziun extraordinaria da cas da hepatitis E. Tranter il schaner ed il matg dal 2021 hai dà 105 cas, trais giadas uschè blers sco il medem temp da l'onn avant.

Daco ch’il dumber da cas è creschì n’è betg enconuschent. Sco l’Uffizi federal da sanadad scriva, n’hajan ins betg pudì identifitgar ina mangiativa specifica en quella che saja responsabla per l’erupziun.

60% umens

Ils cas sa repartian en l’entira Svizra, en regiuns betg urbanas saja la concentraziun da cas stada pli gronda. Las persunas pertutgadas hajan gì tranter 18 e 87 onns. Umens sajan stads cun ina maioritad da 60% pli pertutgads che dunnas. Da tut ils cas n’han 90% mussà nagins sintoms. 29 persunas han stuì vegnir ospitalisadas e duas èn mortas en consequenza da hepatitis E.

L’infecziun cun il virus da hepatitis E è la raschun la pli frequenta per hepatitis (inflammaziun dal dir) e melania sin l’entir mund. En pajais industrials s'infecteschan persunas il pli savens cul virus entras mangiar charn che n’è betg cotga endretg u er tar la chatscha. Ils sintoms èn fevra, mal las musculs ed il venter sco er nagin appetit e schlet.

charn portg.
Legenda: La funtauna dal virus da hepatitis E n'ha ins betg chattà. Però saja quai sa mussà che las infecziuns sajan vegnidas chaschunadas d'in tip dal virus che vegn avant savens en la populaziun da portgs svizra. Keystone

 

 

RTR novitads 17:00

Artitgels legids il pli savens

Scrollar a sanestra Scrollar a dretga