Las reservas da devisas da la Banca naziunala svizra èn sa reducidas il december per bunamain 3 milliardas francs envers il november. La fin da l'onn aveva la Banca naziunala uschia reservas da totalmain 560 milliardas francs.
Sco la Banca naziunala svizra scriva sin sia pagina d’internet è quai l’emprima giada suenter 5 mais che las reservas en sa reducidas. Ils ultims 5 mais eran las reservas creschidas. Il motiv per l’augment da las reservas eran savens intervenziuns en il martgà da devisas. Quant ferm che la Banca naziunala ha intervegnì ni sche insumma na pon ins betg vesair ord questas cifras publitgadas.
