Siglir tar il cuntegn

Header

cuntegn

Svizra 3 milliuns francs van sco aur ed argent da l’aua giu

En Svizra van mintg'onn a perder en la chanalisaziun aur ed argient en ina valita da mintgamai 1,5 milliuns francs. A questa conclusiun vegn in studi davart metals en l'aua persa ed en lozza da serenera da l'institut federal da perscrutaziun Eawag.

En l'industria da hightec u la medischina vegn duvrà adina pli savens oligoelements. Nua che quels elements van a finir n'è betg vegnì intercurì fin uss. Bler – sche era betg tut – arriva en l'aua persa. En in studi è quai uss per l'emprima giada vegnì guardà en detagl.

Metals grevs en l'aua persa

Calculà sin la Svizra e sin l'entir onn vegnan ils perscrutaders sin radund trais tonnas argient, 43 kilos aur, ina tonna gadolinium u er 1,5 tonnas neodym. Uschia communitgescha l'institut. Da reciclar quai na renda betg e per l'ambient na sajan questas concentraziuns nagin privel

En parts dal Grischun ed il Vallais datti en l'aua persa autas concentraziuns d'arsen. Ed en singuls lieus en il Tessin è la concentraziun d'aur en lozza da serenera uschè auta ch'i rendess da reciclar quai. Declerar quai pon ins cun la raffinaria d'aur en questas regiuns.

RR novitads 09:00

Artitgels legids il pli savens