Siglir tar il cuntegn

Header

cuntegn

Svizra 3 onns suenter il gea a l’iniziativa d’abitaziuns secundaras

Ils 11 da mars 2012 ha il pievel svizzer acceptà surprendentamain l’iniziativa d’abitaziuns secundaras. Ma davent da l’emprim di èn pliras dumondas stadas avertas: Tge è propi in’abitaziun secundara? E davent da cura vala la nova lescha?

Tenor il chantun Grischun vala la nova lescha pir davent da la fin da l’onn. Dad auter maini era la Cussegliera federala Doris Leuthard. La nova lescha valia immediat. Il chantun ha tuttina cusseglià a las vischnancas da conceder vinavant lubientschas da bajegiar enfin ils 31-12-2012. La Dretgira administrativa dal Grischun ha anc suttastritg quai cun ina decisiun l’october 2012.

Dretgira federala fraina

In mez onn pli tard èsi lura dentant stà clar: La Dretgira federala ha decidì che la nova lescha valia dapi la data da votaziun, ils 11 da mars 2012. Las dumondas da bajegiar tschentadas suenter quella data n’han nagina schanza, sch’i ha dà in recurs cunter talas. Tgi che ha in project da bajegiar, cunter il qual nagin n’ha recurrì, lez ha gì cletg.

Artitgels legids il pli savens