Enturn las 12:30 saja la lavina partida sur Saint-Luc en la Val d'Anniviers (VS), ed haja tschiffà ils trais viandants sin lur tura. In da quests haja pudì sa deliberar sez e clamar agid. Tschellas duas persunas han pudì vegnir salvadas, rapporta Radio Télévision Suisse (RTS), sajan però blessadas – ina levamain, l'autra pli grev.
Tuts trais sajan actualmain en l'ospital: Ina per controlla, la segunda cun blessuras levas, la terza cun blessuras mez-grevas, ha confermà la polizia chantunala a l'agentura da novitads svizra (SDA).
Il privel da lavinas è actualmain considerabel sin stgalim trais en las alps vallesanas e grischunas.
RR novitads 14:00