Ils pretschs per abitaziuns da vacanzas en las Alps svizras èn creschids per 4% l'emprim quartal dal 2024 en cumparegliaziun cun la medema perioda l'onn passà. Cunquai pudess il zenit dentant esser cuntanschì tenor in studi da la banca UBS.
- En media custa in'abitaziun da vacanzas en las muntogna svizra 13'000 francs per meter quadrat.
- La pli chara destinaziun è da nov Verbier en il Vallais (21'500 francs per meter quadrat) ch'ha surpassà il primus d'enfin uss San Murezzan (21'200 francs per meter quadrat).
- Il pli ferm èn ils pretschs creschids aifer in onn ad Arosa – quai per bunamain 20%, tenor il studi da l'UBS.
- En congual cun avant la pandemia èn ils pretschs creschì per radund 30%.
