Il pli grond potenzial vesa il cussegl federal tar las mammas che lavuran mo en temp parzial. Il cussegl federal vul distgargiar conjugals tar la taglia, per promover la cumpatibilitad da professiun e famiglia. Evaluà vegn er ina deducziun pli gronda per la tgira dals uffants.
L'iniziativa per persunal spezialisà è in pachet da 30 mesiras che vegnan realisadas fin il 2018 per cumbatter la mancanza da persunal spezialisà en Svizra.
Las bleras partidas èn pauc cuntentas
Las mesiras da cusseglier federal Johann Schneider-Ammann manchentan da persvader las partidas.
Las mesiras preschentadas na mussian nagina strategia cuminaivla e naginas miras mesirablas, manegia la PCD. E per la PPS scuflian intginas mesiras simplamain il stadi, las finanzas e la birocrazia. La PCD giavischass mesiras ch'obligassan ils lavurants pli fitg.
Sustegn survegn cusseglier federal Johann Schneider-Amman sulettamain da sia partida, la PLD.
RR novitads 17:00