Ils proxims onns sto la Confederaziun reducir daivets da 30 milliardas francs.
Er sche las expensas da la Confederaziun han cuntanschì records entras la crisa da corona, vesia quai or bain sin la vart da las entradas. Quai ha declerà la directura da l’Administraziun federala da finanzas, Sabine d’Amelio envers SRF.
Cunzunt tar la taglia federala directa quinta ella cun bunas entradas. Ultra da quai prevesian ils plans da finanzas in return a la normalitad a partir dals onns 2023/24 sco er puspè dapli spazi d'agir finanzialmain.
Precis co ch'ins veglia reducir ils daivets da 30 milliardas na tradescha Sabine d'Amelio betg. Ella agiunta sulettamain ch’ins stoppia prolungar il temp.
Actualmain sajan sis onns previs, ma i vegnia segir a cuzzar 12 fin 15 onns.