Siglir tar il cuntegn

Svizra 308 cas da «FSME»

En Svizra èn vegnids dumbrads quest onn tants cas dad inflammaziun dal tscharvè pervi da morsas da zeccas sco dapi 18 onns betg pli.

Ina zecca sin la pel.
Legenda: Bunamain 31'000 persunas han visità quest onn in medi pervi d'ina morsa da zeccas. Keystone

Tar passa 300 persunas ha ina morsa da zeccas chaschunà quest onn ina encefalitis (FSME). Uschè bleras infecziuns da FSME n'hai dapi l'onn 2000 betg pli dà en Svizra. Quai mussan las novas cifras da l'Uffizi federal da sanadad. Ultra da quai èn quest onn vegnids registrads 12'700 cas acuts pervi da borreliosa – in'infecziun da bacterias che vegn medemamain surportada da zeccas e po vegnir guarida cun antibiotica.

Davent da l'entschatta da quest onn enfin la fin d'avust han en tut 30'900 persunas visità in medi pervi da morsas da zeccas. Ils pli blers cas èn vegnids registrads il zercladur.

RR novitads 15:00