Siglir tar il cuntegn

Svizra 31 milliuns per l’Agid Svizzer per la Muntogna

Cun 31 milliuns francs ha l’agid per la Muntogna survegnì l’onn passà uschè bleras donaziuns sco gia dapi dudesch onns betg pli. I sa tracta da passa 31 milliuns francs.

Trais persunas che fan cun fain.
Legenda: Uschè bleras donaziuns sco gia dapi dudesch onns betg pli per l’Agid per la Muntogna. Keystone

L’augment extraordinari saja d’attribuir surtut als gronds donaturs, scriva l’Agid per la Muntogna. Radund 56’000 persunas hajan fatg donaziuns l’onn passà.

L'onn 2017 haja la fundaziun sustegnì 490 projects cun 21,4 milliuns francs. Uschia haja ella gidà a realisar projects innovativs, orientads vers l’avegnir e necessaris per la populaziun da muntogna. A las regiuns da muntogna manchia savens ils daners per dumagnar las sfidas economicas e climaticas, uschia l'Agid per la Muntogna.

1,6 milliuns per il Grischun

En il Grischun ha l’Agid per la Muntogna sustegnì 60 projects per 1,6 milliuns francs. Il pli grond sustegn è ì als projects dal chantun da Berna. Concret sa tracti da 6,3 milliuns francs per 142 projects.

RR novitads 15:00