Cumpareglià cun il 2014 saja il dumber d'uffants ch'èn naschids tras ina operaziun da pagliola sa reducì levamain – per 1,4 puncts procentual. Cun ina quota da 32% haja la Svizra en cumparegliaziun cun auters pajais europeics dentant anc adina ina fitg auta quota per questa via da naschientscha, scriva il BFS. En ils blers cas haja l'operaziun da pagliola raschuns medicinalas, sco sche il pop è en ina posiziun inversa u sche la dunna spetg plirs pops. Tge che crodia en egl saja er che bun la mesadad da las dunnas ch'èn segiradas privat elegian l'operaziun da pagliola.
Quota da fructificaziuns artifizialas sin nivel bas
Dapi il 2010 va il dumber da pèrs che dovran agid medicinal per vegnir en speranza enavos. Uschè bas sco il 2017 saja la quota be stada il 2007. Il 2017 èn 2'188 uffants naschids en consequenza d'ina fructificaziun artifiziala, quai èn gnanc 3% da tuts ils uffants.
RR novitads 10:00