Siglir tar il cuntegn

Header

cuntegn

33,1 milliuns cunter fomaz La Svizra duai vinavant s'engaschar per la perscrutaziun agrara

La Svizra s'engascha vinavant per la perscrutaziun da l'agricultura internaziunala quai per cumbatter la fomaz. Ils proxims onns duain perquai vegnir impundids radund 33 milliuns francs, ha decidì il Cussegl federal.

I sa tracta dad ina contribuziun ad ina gruppa da cussegliaziun per la perscrutaziun agrara internaziunala per ils proxims dus onns. Il Cussegl federal ha approvà la prolungaziun dal sustegn finanzial.

La gruppa da cussegliaziun tschertga schliaziuns en connex cun la midada dal clima, il surdiever dal terren e la mancanza d'aua. Sin l'entir mund pateschian radund 820 milliuns umans fom – e la tendenza creschia.

Quests temas pertutgan er la Svizra a moda directa.
Autur: Cussegl federal

La Svizra importescha passa la mesadad da las mangiativas consumadas, tranter auter er victualias sco bananas, ris u café che vegnan da pajais en svilup. La gruppa da cussegliaziun è in'assoziaziun internaziunala da centers da perscrutaziun agrara ed è activa en passa 80 pajais.

Ord l'archiv:

Video
Ris ord la mar?
Or da Nouvo RTR dals 10.01.2018.
laschar ir

RR novitads 11:00