Siglir tar il cuntegn

Svizra 33,9 milliardas francs perdita er suenter il terz quartal

La Banca naziunala svizra (BNS) noda per ils emprims 9 mais da quest onn ina perdita da 33,9 milliardas francs. Quai malgrà ch’ella ha pudì far il terz quartal in gudogn da 16,2 milliuns francs grazia a sias reservas monetaras.

Suenter la perdita da record, vai puspè ensi in zichel cun las finanzas da la Banca naziunala svizra.
Legenda: Suenter la perdita da record, vai puspè ensi in zichel cun las finanzas da la Banca naziunala svizra. Reuters

I guarda ora meglier ch’avant trais mais per la Banca naziunala svizra (BNS). Dentant è la perdita sut il stritg anc adina fitg auta: En il terz quartal ha la Banca naziunala fatg in gudogn da 16,2 milliardas francs. Quai grazia als gudogns ch’ella ha fatg cun sias vastas reservas da valutas.

Cunquai ch’ella ha dentant nudà l’emprim mez onn ina perdita da record da 50 milliardas francs suenter ch’ella ha abolì il curs minimal dal franc svizzer envers l’euro, resulta anc adina ina perdita da 33,9 milliardas francs per la BNS suenter ils emprims 9 mais da quest onn.

Ussa dependa tut da l’ultim quartal. Cuntinuescha quella tendenza, ston ils chantuns quintar da survegnir nagins daners da la Banca naziunala quest onn.

RR novitads 09:00