En las tschintg ovras atomaras svizras hai dà l’onn passà 34 incidents ch'han stuì vegnir annunziads. Cun excepziun dad in schabetg en il AKW Leibstadt sajan dentant tuts cas vegnids valitads sin il stgalim 0 da la scala d'incidents internaziunala INES. L’avrigl avevi dà a Leibstadt problems cun l’indriz per il sfradentament d’urgenza, il cas era vegnì valità sin stgalim 1.
Ils pli blers incidents hai dà il 2018 tar las ovras atomaras da Leibstadt e Gösgen, quai cun mintgamai 13. En l'ovra atomara Mühleberg hai dà quatter incidents, en l'ovra Beznau 1 trais ed en l'ovra Beznau 2 in incident. Tenor l'Inspecturat federal da la segirezza nucleara Ensi sajan però ils standards da segirezza vegnids resguardads da tut il temp.
RR novitads 12:00