34 milliuns per Meteo Svizra - Far pli segir avertiments da malauras
Il parlament a Berna ha concedì in credit d’obligaziun da 34,3 milliuns francs per Meteo Svizra. Enfin uss van tuttas prognosas d’aura e tuts avertiments da malauras tras in sulet center da calculaziun. Sche quel croda ora per pli ditg, èsi da quintar che quests servetschs na funcziunan betg pli.
Per evitar in tal scenari privlus, ha il Cussegl dals chantuns lubì 34,3 milliuns francs per augmentar l’infrastructura d’informatica da Meteo Svizra. El è uschia suandà al Cussegl naziunal.
Sch’ils avertiments d’aura da la Confederaziun crudassan ora, lura saja quai per exempel da quintar cun restricziuns en il traffic aviatic, ha il Cussegl federal argumentà sia dumonda per il credit. En il parlament n’hai la finala dà naginas cuntravuschs cunter questa proposta.