La fin da zercladur abitavan bunamain dus milliuns esters en Svizra, quai èn radund 35'000 persunas dapli che avant in mez onn, scriva il secretariat da stadi da migraziun.
L'augment dals esters è perencunter pli bass ch’en il medem temp avant in onn. Il motiv è che pli bleras persunas han bandunà la Svizra ch'avant in onn.
En l’emprima mesadad da quest onn èn radund 72'000 persunas vegnidas en Svizra, e dapli che 33’000 persunas han bandunà la Svizra, quai è in augment da 8,3%.