Siglir tar il cuntegn

Header

cuntegn

37:59 Il «Böögg» ha gì ditg d'explodir – i spetga ina stad bletscha

L'aura bletscha e cunquai era la laina bletscha dal «Böögg» han fatg spetgar ditg per l'explosiun finala. Cun bunamain 38 minutas è la prognosa per la stad betg buna. La media è 16 minutas. Radund 3'500 persunas èn stadas da la partida.

L'emprima giada suenter la pandemia

Suenter in onn pausa, 2020, ed ina ediziun speziala, senza aspectaturas ed aspectaturs, il 2021 en la Chavorgia da la Scalina, turna il «Böögg» puspè sin il «Sechseläutenplatz» a Turitg. Igl ha dà il medem program sco avant la pandemia. In til tras la citad cun radund 130 giasts d'onur, tranter auter il President da la Confederaziun, Ignazio Cassis e la presidenta da la citad da Turitg, Corine Mauch. Plinavant èn era radund 200 Uranaisas ed Uranais stads envidads al til. Quellas eran sa participadas a la davosa ediziun, ch'era stada en la Chavorgia da la Scalina (Schöllenenschlucht).

video
Il Böögg ha fatg spetgar ditg per l'explosiun finala
Or da News-Clip dals 25.04.2022.
abspielen. Laufzeit 23 Sekunden.

Chantun Uri danovamain giast

A las 18:00 ha dastgà il Landamman dal chantun Uri, Urban Camenzind, dar fieu al «Böög». Il chantun Uri è sco gia l'onn passà puspè il chantun envidà.

Pli spert ch'il chau da l'um da naiv explodescha, e pli bella che la stad duai esser, uschia almain la pretensiun.

Tge munta il temp dal «Böögg» per la stad?

Avrir la box Serrar la box
  • 0-6 min: sulegl
  • 6-10 min: surtratg
  • 10-15 min: plievgia
  • >15 min: naiv

RTR novitads 18:00

Artitgels legids il pli savens

Scrollar a sanestra Scrollar a dretga