Onn per onn dettia en media radund 47'000 accidents da sport d'enviern, scriva la Suva – e quels chaschunian custs da 380 milliuns francs. Trais quarts da quels custs resultan dad accidents cun ils skis u cun l'assa.
Da la communicaziun resorta, ch'ils accidents cun ils skis chaschunan dapli custs che accidents dad ir cun aissa.
Trais quarts dals accidents capitan cun ils skis u cun l'aissa:
accidents da skis | accidents cun aissa | |
---|---|---|
feridas frequentas | vi da schanugl e ventrigl | vi da chanvella e bratsch sut |
custs per cas | 7'700.- francs | 4'100.- francs |
cas total | 27'000 | 6'500 |
custs total | 250 milliuns francs | 36 milliuns francs |
Tenor la Suva gidan tant la prevenziun sco er il cumportament segir sin la naiv da tegnair pitschen il ristg dad in accident.
I saja impurtant dad enconuscher ils agens cunfins sco skiunz u aissist: tant tar las abilitads tecnicas sco er tar la fitness corporala. Per stimar quella propona la Suva ses check da sport d'enviern, il link avra en ina nova fanestraavrir en il browser.
RR novitads 12:00