Plattafurmas da streaming estras duain en il futur stuair investir ina cumpart da lur entradas svizras per il film svizzer. Suenter il Cussegl dals chantun, ha uss er la cumissiun dal Cussegl naziunal responsabla approvà ina taxa da 4%.
Cun la taxa duain las plattafurmas da films, sco per exempel Netflix, Sky u Disney Plus, rinforzar il Film Svizzer. Ina minoritad ha argumentà adumbatten ch’ils abunaments da streaming vegnan pli chars entras questa mesira.
La revisiun da la lescha da film prevesa era cundiziuns per emetturs esters cun reclamas svizras. Betg pertutgada è la SSR.
Ord l'Archiv
Sarah Vettori, la giuvna da 28 onns ha cumenzà sia carriera sco illustratura ed artista a Cuira e lavura ussa tar Netflix animation. Co quai è da lavurar per il gigant da streaming ha ella raquintà a noss redactur Flavio Deflorin.
