Siglir tar il cuntegn

Svizra 4 ulterius onns senza tecnica genetica

La tecnica genetica duai vegnir scumandada per 4 ulteriurs onns en svizra. Uschia ha decidì il cussegl dals stans quest avantmezdi. La lescha scumonda a l’agricultura da duvrar plantas, semenza ni animals ch'èn vegnidas manipuladas en la genetica.

plantas, semenza ed animals na duain 4 ulterius onns betg vegnir midads èn la genetica.
Legenda: plantas, semenza ed animals na duain 4 ulterius onns betg vegnir midads èn la genetica. Keystone

Suenter il Cussegl naziunal ha uss era il Cussegl dals chantuns decidì da prolungar in scumond da duvrar plantas, sems u animals manipulads cun agid da la tecnica genetica. Quest scumond vegn prolungà per quatter onns.

Ils ristgs e las schanzas

L’acceptanza è l'argument ch'è vegni numnà il pli bler en il Cussegl dals chantuns. Il consument n'haja betg fidanza en la tecnologia genetica. Dentant dian ils adversaris saja quai sa uschè, ch'era en Svizra na riv’ins betg dad evitar quel svilup. Quai che vegn importà da l’exteriur saja per part era maschadads cun tecnologia genetica.

Dumondas èn en mintga cas anc avertas. Nagin na po dir tge ristgs ni schanzas che la tecnologia vegn ad avair en l’avegnir.

La discussiun cuntinua

Gia duas giadas ha il parlament prolungà quest moratori. La Svizra è in dals unics pajais che ha in tal scumond. Per la perscrutaziun datti dentant excepziuns. Pervi da differenzas cun il cussegl naziunal pervi da la liberalisaziun per la perscrutaziun sto questa fatschenta anc ina giada turnar en la chombra gronda.

Novitads da las 12:00