En media guarda mintga creschì (sur 15 onns) quatter uras televisiun u taidla radio. Quai demussa in studi che la fundaziun «Mediapulse» ha fatg per l'emprima mesadad da quest onn.
Cun 134 minutas televisiun e 99 minutas consum da radio è la Svizra tudestga lev sut la media da quatter uras (233 minutas). La Svizra taliana è cun 191 minutas televisiun e 90 minutas radio in bun tant sur la media (281 minutas). La Svizra franzosa guarda 150 minutas televisiun e taidla 77 minutas radio (227 minutas) ed è cun quai la pli bassa part.
Per la Rumantschia n’èn naginas cifras avant maun.
RR novitads 15:00